Edigheim.  Also ich geh jo gern in die Kärsch – jedenfalls wann was los is! Bei eich werd des genauso soi. Sunscht deet ich eich jo net immer dort treffe an Woihnachde, Ooschtre un an de Kerwe.

Diss Johr hämmer sogar noch e Komfermation in de Familie ghabt. Wahnsinn, echt Wahnsinn! Ich kann eich des jetz bloß net alles  schreiwe. Sunscht laaft nämlich eiern E-Mail-Poschtkaschte iwwer. Awwer verzehle deet ich s eich gern.

Un des mach ich dann aa im Kerwegottesdienst am Sonntag, dem 6.September, um 9:30 Uhr in der Protestantischen Kirche Edigheim, Bürgermeister-Fries-Str. 4, 67069 Ludwigshafen.

Des war jetz uff Hochdeitsch fers Navi. Des versteht jo kä Pälzisch. Wann s eich intressiert,
kummen hie. Un wann net, no seid er selwer schuld – awwer verstehe deet ich des wirklich net!

Liebe Grüße Edith Brünnler