Ich glab jo, dass es jeder kennt, dess, was mer heit Prost Neijohr nennt.En jeder kummt, un gratuliert un wünscht ehm noch, dass nix bassiert,

Un wünscht ehm alles Gute dann, selbscht, – wanner ehm net leide kann. Mer selbscht, – am erschte Dag im Johr,- mer nimmt sich allerhand jetzt vor:

Will nimmi saufe, nimmi raache, will sich mit jedem jetzt vertraache, will högschtens, ach die Hälft bloß esse, sich täglich wiege, s’ Beichel messe,

Will künftig sich ach öfter trimme, will wann‘re gehe, jogge, schwimme, will künftig besser sich benemme, (mer dut sich vor sich selber schämme,)…

Un losst ab zwette Januar dann doch grad alles, so wie‘s war!